القائمة الرئيسية

الصفحات

الفرق بين ألوان الهارد ديسك لشركة Western Digital واختيار المناسب

هنعرف مع بعض فى المقال الفرق بين ألوان الهارد ديسك الأربعة لشركة Western Digital، وانت هتختار المناسب لجهاز الكمبيوتر الخاص بيك، وميضحكش عليك التاجر ويديلك الردئ، كلنا بنشترى هارد لجهازك الكمبيوتر او جهاز كمبيوتر صاحبك، ولكن لما بنشترى بناخد الهارد ومبنركزش على اللون اللى على الهارد ودا اهم حاجة وكلنا مبنلحظش دا، خلينا نعرف مزايا كل لون هارد موجود ببساطة شديدة.

khaled1tech-difference-between-colors-Hard-Disks-company-Western-Digital

الفرق بين ألوان الهارد ديسك لشركة Western Digital

هارد ديسك الاحمر

بيتقال عليه هارد سيرفر server وهو بيتركب للاجهزة السيرفر طب ايه هى الاجهزة السيرفر، الأجهزة السيرفر هى اللى بتكون فى البلايستيشن او فى المصانع بيبقى جهاز واحد بس متحكم فى بقية الاجهزة، زى ما بتروح سايبر وتقولوا المدة اللى هتقعدها على الجهاز صاحب المكان بيروح على الجهاز الخاص بيه وبيفعلك الوقت اللى طلبته.

هو دا الهارد ديسك السيرفر وبيكون عليه علامة من الامام فى اسفل الهارد ديسك دائرة بداخلها جهاز رئيسي ومتصل باجهزة اخرى، طب ينفع لجهازك فى البيت هقولك ينفع بس ليه هتدفع فلوس كتير مقارنةً باللى المفروض تجيبه، دا غير انك مش هتستفيد بامكانياته ولا الفلوس اللى هتدفعها.

الهارد ديسك الاسود

هارد ديسك رقم واحد فى كل حاجة، اسرع هارد ديسك، وعمره الافتراضي اطول، مفيش هارد زيه، هارد ديسك مخصص للشركات اللى استخدامها للكمبيوتر 24 ساعة شغال مبيفصلش وكمان لو اسبوع شغال 24 ساعة مبيفصلش، الهارد دا مخصص لكدة، طب ينفع لجهازك فى البيت هقولك ينفع طبعا ورائع جدا مقارنةً باستخدامك عليه غير الشركات اللى استخدامها دائم، ودا طبعا هيخلى عمره الافتراضي اطول وهتبقى حاجة بنقول عليها هتعيش معاك عُمر.

الهارد ديسك الازرق

الفرق بسيط ما بينه وبين الاسود فى السرعة وفى السعر هتلاقى فرق من 250ج الى 300ج فى مصر، وهارد مخصص لاى حاجة ويشتغل معاك 20 ساعة فى 24 غير الاسود يشتغل معاك 24 بدون ايقاف، طب ينفع لجهازك فى البيت طبعا ينفع لو ممعكش فلوس تقدر تجيب الهارد الاسود، تقدر بكل بساطه انك تجيبه وزى ما قولتلك الفروقات بسيطة.

الهارد ديسك الاخضر

لو الهارد دا شوفتوا قدامك متفكرش تشتريه ولا تبصله ولو لقيته ببلاش متجبوش لان الهارد دا مخصص لحاجة معينه وهى لو عندك ملفات وحاجات مهمه تخاف عليها من فلاشة او فى هارد تانى من انه يتلف، فأنت ممكن تجيب الهارد الاخضر عشان كدا انك تخزن عليه كل الحاجات المهمة من بيانات وملفات واى حاجة مهمة بالنسبالك وتركن الهارد خالص.

هارد بيشتغل من 4 الى 8 ساعات فى اليوم وعمره قصير، طب ينفع لجهازك فى البيت ممكن تجيب الهارد دا كهارد ثانوى لكن متخلهوش اساسي معاك فى جهازك ممكن نقول لو الهارد الاساسي اتملى، فتخلى الهارد الاخضر كبديل متوصل ومساحة تخزين اضافية معاك.

author-img
اسمى خالد، 25 سنة من مصر ومدونة khaled 1tech انشأتها بسبب حبى للتكنولوجيا عموماً وما يريده الاشخاص من حل لمشاكل او لدورات او اخبار وغيرها، اريد منكم المساعدة من خلال المتابعة ومشاركة المواضيع.

تعليقات